Njaay Saydu Aamadu 

Keɓtinirgol Ballifiiɗo

              Gelongal Fuuta lollirɗo Njaay Saydu Aamadu jibinaa ko e hitaande 1958 e nder wiyeteengo Jiinge Jeeri, e nder tunndo Ligisayba, falnde Kayhayɗi, to diiwaan Gorgol Muritani. Ko o jannginoowo. Caggal heblo ngo o waɗi to duɗal keblorgal jannginooɓe (ENI), o heblitaama kadi heblo seniingo to bannge ɗemɗiyankaagal ngam huɓindaade karallaagal njanngiin e ɗemngal makko neeniwal Pulaar.

Tuggude e hitaande 1983 fayde e hitaande 2004, o wonnoo ko e jannginirɗi ƴeewndorɗi Duɗal Ɗemɗe Ngenndiije Ndenndaandi Lislaamiyankeeri Muritani. Hannde oo, ko o diisnondirteeɗo ko fayti e karallaagal jaŋde lesre to horirde falnde El Miina e nder Nuwaasot ( conseiller pédagogique à l’IDEN d’ElMina). Yimiyanke mawɗo, dowluɗo, ganndaaɗo e nder ɓiɓɓe Fulɓe, biɗtoowo, binndoowo, Njaay Saydu Aamadu ko ngenndiyanke mo darnde mum feewde e ƴellitaare ɗemɗe ngenndiije e pine mumen aldaa e yedditaare.

Defte ɗe ballifiiɗo oo winndi

-Nguurndam Tomaas Sankara

Binndi Pulaar-Paris-décembre 1993

-Hol ko mbiyɗaa Gelongal Fuuta ?

   Duɗal Ɗemɗe Ngenndiije -Nuwaasot- 1997(muulto)

-Daartol Sammba Jaadanaa Njaac

   Duɗal Ɗemɗe Ngenndiije -Nuwaasot-1997(muulto)

-Hasan Idiriisa Dikko, ceerno Burkinaa Faso

   Konngol Kawtal - Paris1998

-Njillu Gelongal Fuuta e Seeno Busooɓe

   Konngol Kawtal - Paris 2001

-Jubbannde e Taariik Fuuta-Tooro

   Imprimerie Nouɓelle -Nouakchott-juillet 1999

-Alhajji Abuu Sammbooru Barka lollirɗo Tijjaani Aan

   Imprimerie La Sénègalaise - Dakar - 2003