KatanteLeñol

ƊEMƊE NGENDIIJE : Nafoore ɗ emngal 

(Katante Leñol, France) 

Dimanche 2 Février 2019, 20h France, 14h00 Amérique du Nord, et 18h TU

Tel. Dao FM: (France) 0181221224, (Canada) 18673221082, (USA) 7017190421.

 Dao FM: DaoFmLive(Direct), Web : www.daofm.com, Skype/WhatsApp: Dao Fm Canada

Koɗomen Hannde ko Ibraahiima Umar KAN ɓurɗo lollirde Katante leñol. O yiyi aduna ko e wuro wiyeteengo Aañam Yeroyaaɓe to ngenndi Senegaal. O joofni Qur’aana ko 1974 to duɗal Ceerno Maajakatee KAH mo Aañam Siwol, o fiilaa Alfaa ko 1984 to duɗal Ceerno Abdul-Qaadiri LIH to Cilon. O naati Jande Pulaar ko 1980 to Ceerno Aamadu Tijjaani JAH (kala) to Cilon. Katante leñol ko o gorko joom cuusal renndo, laaɓtudo daande, cuusdo goonga, jankiniiɗo, nuunɗuɗo, malaaɗo wune dental, jiɗɗo leñol mum. Ko ɓuri heewde e yaajeende makko, o firlitta ɗum ko he: wiɗtude, winndude, janngude, janngin’de e jokkude enɗam. O janngii e seerenɓe 19, o winndii defte 21 (Jomngol Pulaar, Gidgol Goonga), o waɗii jeewte hirjino 237. Won wiyooɓe ni Katante leñol jeyaa ko he yimiyankooɓe pulaar. O fuɗɗi winndude jime Pulaar ko 1983. Hannde ndee, jime e jimɗi makko ɓurii 1000 tawi heen 127 ko giɗgol kaalata. O fiilii leppi jime Pulaar keɗki 384, leppi ayaawo 6, leppi mago 6, o winndii magooji Pulaar 7. O waɗii haalirde Aaanyam-ɓamti Pulaagu Aaâm Yeroyaaɓe 2014 to ngenndi Farayse. O halfinaama golle 21 he nder pelle ɓamtaare Pulaagu. Katante leñol ko ngenndiyanke mo darnde mum feewde e ƴellitaare ɗemɗe ngenndiije e pine mumen aldaa e yedditaare. Ceerno Aamadu Sammba mo Lelekon ene heewi wiide: “Katante leñol sikkata ko dentaangal ngenndiyankooɓe ɓee ko kam ngari wallude he ɓamtaare leñol ngol”.