Bismilla mon!

Rajo Daw Fm Kanadaa

Bisimilla mon e ñiiɓirde heɓtinaande nde Rajo Daw Fm Kanadaa. Ko nokku mon kaaldigal, kabaruuji e pellital denndangal. Emin kollita on lelngo jeewte ceertuɗe, galɗuɗe, ɗe jirwinta liggotooɓe haralɓe, horsinɓe golle mumen. Annduɓe seeɓɓe ina cila, loska loowdi ndii, njuurnitoo ɗum, tawa ko e fannuuji teeŋtuɗi, to jaŋde, nehdi, pinal, cellal, coftal ɓalli e taariindi. Rajo Daw Fm darii ko darnde liggorgal tawtinowal yimɓe e nder mum, dokkowal konngol worɓe e rewɓe yiɗɓe wuurnude geɗe ɗee, e tolno nokku, haa to tolno kuuɓtidinɗo. Emin ngooŋɗini wonde jaŋde ko kuutorgal dowrowal ngam ɓeydude sifaaji nguurndam ɗam, teeŋti wonande sagataaɓe janngooɓe e lekkolaaji ɗii e dente nokkuuje ɗee. Ko ɗum waɗi emin caakta e kala sahaa, jeewte pinndinooje ngam hirjinde, dillooɓe e haajuuji waylaare ndee.

Rajo Daw Fm ina hirjina kala ɓiy leydi, debbo e gorko e hollirde darnde timmunde e golle renndo mum. Emin njahdi e e yiyannde huuɓtidinnde jotondiral e gollondiral : "Miijaade e huuɓtidinndi; gollaade e huuɓtidinndi, walla e tolno nokku gonaaɗo". Ndeen yamiroore ina duña en e diwtude haalaluuji ɓoli, haa njetto-ɗen ene fof e golle tabitɗe, jiitiniiɗe. Ngonon heɗiyaŋke ɗooftiiɗo keso, walla jilliiɗo keso, emin mbismoo on e yuurnaade ginol jeewte amen, njeye-ɗon heen, mballiton e yaynagol ɓure ɗe ndenɗu-ɗen. Ɗum noon, enen fof, mbaɗen Rajo Daw Fm, ɓernde laaɓtunde waylaare renndo, oolel tiiɗngel daaɗe renndooji men. 

BISIMILLA MON, KEƊTUKI JAM !